Juventusi vijon formën e shkëlqyer edhe në këtë vit të ri kalendarik. Pas fitores tenistike në Kupën e Italisë, bardhezinjtë kanë mposhtur sërish Salernitanën. Megjithatë, fitorja e sotme nuk ishte e lehtë për “Zonjën e Vjetër”.
Salernitana kaloi e para në avantazh me anë të Maxhores në minutën e 39 të takimit. Por një karton i kuq i autorit të golit në minutën e 53-të ndryshoi historinë e kësaj ndeshjeje. Me një lojtar më tepër në fushë, Juventusi përmbys rezultatin.
Samuel Iling Xhuniori barazoi rezultatin në minutën e 65, ndërsa në të 90-n ishte Vlahoviçi ai që ktheu shifrat në favor të bardhezinjve. Një gol që solli një çlirim të madh për “Zonjën e vjetër”, i cili u dallua edhe në festën e lojtarëve pasi topi shkoi në rrjetë./Halit Delibashi-Sport Ekspres/
???? GOAL | Juventus 2-1 Salernitana | Vlahovic
VLAHOVIC GIVES JUVENTUS THE LEAD IN THE 91ST MINUTE !!!!!!!!!!!!!pic.twitter.com/zg7waGif4n
— Tekkers Foot (@tekkersfoot) January 7, 2024
