Ndeshja mes Sandhausen dhe Regensburg në kuadër të javës së 26-të të ligës së tretë gjermane ka patur një zhvillim që rrallë ndodh. Në futboll kemi parë rezultate të ndryshme ndeshjesh, përmbysje të mëdha, rezultate të pazakonta dhe të gjitha këto na i solli dueli nga Sandhausen.
Miqtë e gjetën veten në avantazh në pak minuta, teksa në 11 minutat e para, ndeshja u duk e mbyllur. Regensburg arriti që ta dërgonte rezultatin në 0-3, ndërsa vendasit përmbysën gjithçka. Tre gola u realizuan edhe nga Sandhauesen, për të shkuar në dhomat e zhveshjes me rezultatin 3-3. Në pjesën e dytë, ishin vendasit që arritën qëllimin e përmbysjes, për të fituar 6-3. /Sport Ekspres/
