Tashmë është zyrtare. Rei Manaj është lojtari më i ri i Al Sharjahut. Klubi nga Emiratet e Bashkuara Arabe ka njoftuar ndjekësit për transferimin e sulmuesit shqiptar përmes një postimi të shpërndarë në faqen zyrtare në “Instagram”. Al Sharjah ka publikuar një video me momente nga karriera e Manajt, ku ky i fundit shihet edhe me fanellat e Interit apo Barcelonës, me të cilat ka qenë pjesë në të shkuarën. Lojtari ka firmosur për 2 vite dhe do të përfitojë rreth 2.5 milionë dollarë në sezon.
“Sulmuesi shqiptar i bashkohet radhëve të “Mbretit” me një kontratë dy-sezonale. Vjen nga Sivaspori, Turqi… Për të vazhduar karrierën e tij si golashënues me fanellën e Sharjahut. Turmë anarkike… Urojini mirëseardhjen me ne yllit të ri”, ka njoftuar klubi Al Sharjah./Sport Ekspres/
