UEFA ka vendosur me dorë të hekurt për Arsenal Tivatin. Skuadra malazeze është dënuam me 10 vite skualifikim nga kompeticionet e organizuara nga UEFA. Pas investigimeve të kryera është zbuluar se klubi në fjalë ka trukuar ndeshjen kundër Alashkerit në vitin 2023. Skuadrat luanin në turin e parë kualifikues të Ligës së Konferencës dhe Arsenali i Tivatit u mposht me shifrat 6-1 në shtëpi nga armenët.
Përpos skualifikimit 10-vjeçar, organizimi më i lartë i futbollit europian ka gjobitur klubin me 500 mijë euro, si dhe ka dënuar përjetë njërin prej lojtarëve të Arsenalit të Tivatit. Mësohet se UEFA i ka kërkuar FIFA-s që ndëshkimi të shtrihet edhe në kompeticionet e zhvilluara prej tyre./Sport Ekspres/