Të shtunën e kaluar, Yamal organizoi një festë për ditëlindjen e tij të 18-të, ku morën pjesë një numër i madh personalitetesh të famshme nga të gjitha fushat. Lojtari i ri i Barcelonës u sigurua që festa e tij të ishte e paharrueshme, por nuk e kishte idenë se do të tërhiqte kritika për këtë.
Ai u “kryqëzua” për herë të parë në publik pas deklaratës së influenceres spanjolle Claudia Calvo, e cila pretendoi se Yamal u ofroi vajzave midis 10 dhe 20 mijë euro për të ardhur në festë, por ajo shpejt e mohoi vetë dhe kërkoi falje. Yamal zyrtarisht nënshkroi një kontratë me Barcelonën deri në verën e vitit 2031 dje dhe iu dha fanella me numrin dhjetë, dhe iu drejtua shkurt shtypit. Sigurisht, tema e pashmangshme ishte festa e ditëlindjes, dhe Yamal vendosi t’i jepte fund të gjithave me një fjali dhe të tregonte se kritikat nuk e prekin shumë.
“Nuk i kushtoj vëmendje kritikave dhe asaj që thotë dikush, përveç nëse vijnë nga anëtarët e familjes dhe miqtë e mi. Jam i përqendruar vetëm te futbolli dhe kjo është e gjitha që kam për të thënë për këtë temë”, tha Yamal. /Elio Hajdari-Sport Ekspres/
