Milani duket se ka ngjallur shpresë te tifozët për sezonin e ri. Deri më tani klubi kuqezi ka siguruar 30 mijë abonime sezonale të tifozëve. Një interesim i lartë për klubin e njohur italian, që deri më tashmë e ka “San Siron” gjysmë të mbushur. Të abonuarit e vjetshëm kanë konfirmuar praninë e tyre në stadium në këtë fazë të parë të abonimeve.
Ndërkaq mbeten ende më tepër se 20 ditë nga nisja e sezonit për kuqezonjtë, çka jep shpresë se numri i abonimeve për edicionin 2025/2026 do të jetë më i lartë se ai i një edicioni më parë. Sezonin e shkuar Milani regjistroi 40 mijë abonime sezonale. Pavarësisht dështimit në sezonin e fundit, tifozët nuk e kanë braktisur skuadrën./Sport Ekspres/