PSG ka arritur të fitojë në transfertë ndaj Barcelonës në shifrat 1-2. Golat e shënuar nga Mayulu dhe Ramos vendosën për fitoren e francezëve, ndërsa trajneri Hansi Flick i ka bërë një dush të ftohtë lojtarëve në nisje të këtij sezoni të ri. Duke kërkuar që të luajë pak me sedrën e tyre, Hansi Flick tha se Barcelona nuk është në nivelin e PSG aktualisht.
“Mund ta shihnit këtë sot. Nuk ka asgjë që mund të themi se jemi në të njëjtin nivel me PSG. Por gjithashtu mendoj se… Unë besoj te skuadra ime; nuk ishte dita jonë më e mirë. Po punojmë për t’u rikthyer në atë nivel.
Për mua, ky është futbolli. Sot, në rregull, humbëm, por në fund të fundit, duam të rikthehemi. Duhet të stërvitemi, të punojmë për gjërat që nuk i bëjmë mirë dhe kjo është ajo që do të bëjmë. Ne shënuam një gol, mund të shënonim të tjerë, por duhet që ta pranojmë këtë humbje dhe njëherë, PSG e meritoi”, tha Flick.
Nga ana tjetër, trajneri i PSG, Luis Enrique nuk i kurseu komplimentet për Barcelonën. “Barcelona është një nga kandidatet për të fituar Champions League. Ka luajtur shumë bukur, në nivelet më të larta dhe ky është vetëm fillimi. Vetëm pak ekipe kanë një identitet të tillë, Barcelona dhe ne jemi kandidatët për të fituar Champions League. Kjo ishte një ndeshje e shkëlqyer. Ajo që më bën të lumtur është kur sheh dy ekipe që luajnë pa shkelm dhe që nuk dëmtojnë njëra-tjetrën për shkak të cilësisë së tyre me topin”, tha Luis Enrique. /Sport Ekspres/