Chelsea ka marrë një fitore shumë të rëndësishme në Premier League, duke mposhtur Manchester United me rezultatin 2-0 në “Stamford Bridge”. Një ndeshje me shumë emocione, ku vendasit arritën të triumfojnë në pjesën e dytë, ndërsa miqtë e mbyllën takimin me një lojtar më pak.
Pjesa e parë ishte e luftuar, me të dyja skuadrat që provuan të gjenin rrugën drejt rrjetës. Manchester United madje pati një gol të anuluar për pozicion jashtë loje, pas ndërhyrjes së VAR-it. Në minutën e 50-të, Morgan Rogers zhbllokoi rezultatin për Chelsea-n, pas një aksioni individual fantastik. Ky gol i dha më shumë qetësi skuadrës londineze, që nisi të kontrollonte më mirë lojën.
Momenti vendimtar erdhi në minutat e fundit, kur Lisandro Martinez u ndëshkua me dy kartonë të verdhë brenda një kohe shumë të shkurtër, duke lënë Manchester United me 10 lojtarë. Chelsea fitoi penallti dhe Cole Palmer u tregua i saktë nga pika e bardhë në minutën e 64-t. Kështu, Chelsea siguroi tri pikë të rëndësishme, ndërsa Manchester United vazhdon të zhgënjejë dhe kriza e skuadrës së Michael Carrick bëhet gjithnjë e më e thellë. /Sport Ekspres/
