Serbia do të presë Shqipërinë në Leskovc të shtunën në mbrëmje. Një ndeshje mjaft e rëndësishme për të dyja skuadrat, pasi fituesi thuajse siguron vendin dytë në grup. Pozicion ky që të dërgon në fazën “play off” të Kupës së Botës 2026. Portieri Milosavljeviç ka dhënë një intervistë për faqen e Federatës Serbe të Futbollit, ku vlerëson cilësitë e kuqezinjve. Megjithatë, sipas tij, niveli i Serbisë është më i lartë se i Shqipërisë.
“E pashë atë ndeshje. Ata janë një ekip cilësor, por mendoj se kemi lojtarë më të mirë dhe jemi më cilësorë. Besoj se do ta tregojmë këtë në fushë. Mendoj se duhet të shohim vetëm veten dhe mënyrën se si do të luajmë”, ka deklaruar ndër të tjera Veljko Milosavljeviçi./Sport Ekspres/
