Partizani arriti të fitonte në shifrat 2-0 kundër Tiranës. Në një lidhje live me emisionin Mega Sport që transmetohet në A2 CNN ishte figura e njohur e futbollit shqiptar dhe Partizanit, Edmond Dosti. Ky i fundit nuk i kurseu vlerësimet për trajnerin Oltijon Kërnaja dhe nga ana tjetër shfaqi gjithë prekjen e tij me situatën e Tiranës.
“E pashë ndeshjen, ishte shumë e bukur, me shumë emocione. Realizuam dy gola të shkëlqyer, Tirana u mundua në të dytën për të kthyer rezultatin, për të shënuar, i mungoi pak dhe fati, nuk janë akoma aty ku duhet. Tirana nuk e meriton këtë vend.
Nuk jam kundër Tiranës, Tirana i duhet futbollit shqiptar dhe ata cuna të luftojnë fort për ta mbajtur në Superiore. Po ra prapë Tirana, do të jetë turp i madh për ata. Kërnaja? E njoh, është trajner shumë i mirë, nëse vazhdon kështu, do të bëhet dikushi. Shumë njerëz do të cuditen me këtë trajner që ka Partizani. Ai është punëtor, jeton me futbollin, ka shumë pasion. Gaz Demi e di se çfarë bën”, tha Dosti. /Sport Ekspres/