Shqipëria ka publikuar listën sa i përket ndeshjeve të shtatorit dhe të tetorit, ku do të zhvillohen katër takime. Kuqezinjtë do të luajnë me Bjellorusinë, Finlandën dhe kanë dy takime me San Marinon.
Në emisionin “Mega Sport” që transmetohet në “A2 CNN”, moderatori Altin Sulçe, ishte kundër vendimit të Maran për të lënë jashtë Armend Muslikën. “Do të luajmë dy ndeshje kundër San Marinon, përse nuk merren talentet e së ardhmes?
Po është një lojtar përshembull te Totenhemi, Armend Muslika. Po shënon gola pafund, është marrë dhe stërvitur me ekipin e parë të Totenhemit, ky është momenti, përse nuk e merr? Nëse nuk e merr në dy takime me San Marino kur do ta marrësh? është e rrezikshme sepse nesër mund të luajë me Totenhemin dhe rrezikohet ta marrë një Kombëtare tjetër”, tha Sulce.
Nga ana tjetër, gazetari Mantho Prokopi ishte i pakënaqur me disa vendime të tjera. “Për mua, Sota vjen përpara Kumbullës që ndeshjen e fundit e ka luajtur në janar, tani jemi në shtator. Pastaj Hysaj, nuk ka ekip dhe vetëm stërvitet te Vllaznia, në Shqipëri, por ti nuk merr Ismailin që ka luajtur në Europë dhe është pjesë e kampionatit tonë. Dhe e fundit, Qefalija përpara Asllanit”, tha Prokopi. /Sport Ekspres/
