Thomas Strakosha nuk do të jetë më pjesë e Brentfordit. Mungon vetëm zyrtarizimi dhe në ditët e ardhshme do të mësohet se ku do të jetë destinacioni i ri i portierit shqiptar. Fabrizio Romano ka treguar se Brentford ka arritur marrëveshjen me portierin e Islandës, Valdimarson.
Transferimi do të kryhet për 3 milionë euro dhe 22-vjeçari do të zyrtarizohet sot si pjesë e Brentfordit. Islandezi do të jetë numri dy pas Fleken dhe kjo nënkupton se Strakosha do të largohet. Në fakt gjithçka u bë e qartë në momentin kur portieri shqiptar reagoi hapur kundër klubit, se priste fanellën e titullarit në Angli dhe se ka përpara Europianin me Shqipërinë dhe për këtë arsye kërkonte më shumë minuta. /Sport Ekspres/
