Sulmuesi Dusan Vlahovic ka dhënë një intervistë për L’Equipe në të cilën ka folur për karrierën dhe planet e tij për të ardhmen, ndërsa ka zbuluar edhe se cila është dëshira e tij më e madhe kur bëhet fjalë për futbollin.
“Do të doja të jem një futbollist që të gjithë do ta mbajnë mend. Fitimi i Topit të Artë është ëndrra dhe dëshira ime më e madhe. Ky është qëllimi im dhe besoj se gjithçka është e mundur në futboll”, tha Vlahovic.
Vlahovic ka shënuar 16 gola dhe ka dhënë 3 asistime në 26 ndeshjet e zhvilluara në këtë sezon në Serinë A. Është e qartë se ky është një mision i pamundur dhe vetëm Luka Modric ka arritur ta realizojë në Ballkan. /Sport Ekspres/
