Crvena Zvezda nuk pati shumë shanse në ndeshjen e Champions League kundër Barcelonës për të bërë befasi. Ekipi serb pësoi pesë gola, por shënoi dy, teksa duke parë formën e kësaj Barcelone, golat e shënuar i kanë bërë shumë krenar. Për faktin se arritën të tundnin dy herë rrjetën e gjigantit katalanas, ata vendosën të tallnin në faqen zyrtare Real Madridin, të cilin Barcelona së fundmi e mundi në Santiago Bernabeu me rezultat 4:0.
Në Tëitter, skuadra bardhekuqe postoi një skenë filmi duke treguar me krenari që ka shënuar dy gola kundër ekipit spanjoll, ndërsa Real Madridi nuk arriti të shënojë asnjë gol. “Përshëndetje Real Madrid, mund të kemi humbur, por ne shënuam dy gola”, shkruan klubi serb. /Elio Hajdari-Sport Ekspres/