Shqipëria ka barazuar në shifrat 1-1 ndaj Letonisë në transfertë. Strakosha priti penalltinë që mbajti në lojë Shqipërinë dhe më pas mbërriti autogoli i letonezëve, që i dha avantazhin kuqezinjëve. Në pjesën e parë, në fundin e saj, për shkak të mungesës së përqendrimit, Letonia arriti që të barazonte. Ndërkohë për mesfushorin e Letonisë, Renars Varslavans, ky barazim ishte i drejtë.
“Kam një sërë ndjesish për rezultatin. Pas pjesës së parë që kemi bërë, meritonim dicka më shumë aty. Në pjesën e dytë u kthyem shumë mbrapa në mbrojtje, po mendonim të mbronim rezultatin. Ndoshta nga lodhja ose ndoshta nga mungesa e besimit. Pjesa e parë ishte shumë e mirë, folëm sesi mund ta fitonim ndeshjen dhe meritonim dicka më shumë. Pas pjesës së dytë, po, ishte rezultat i drejtë. Shqipëria po kontrollonte topin, por nuk kishte asnjë shans 100% të pastër, prandaj ishte rezultat i drejtë”, tha mesfushori letonez. /Elio Hajdari-Sport Ekspres/
