Neymar i ka dhënë fund zyrtarisht karrierës së tij me kombëtaren e Brazilit. Sulmuesi 34-vjeçar konfirmoi se nuk do ta veshë më fanellën e “Seleçaos”, duke mbyllur një kapitull 16-vjeçar që e bëri atë një nga futbollistët më të rëndësishëm në historinë e futbollit brazilian. Vendimi vjen pak javë pas eliminimit të Brazilit nga Norvegjia në fazën e 1/8-ve të Kupës së Botës 2026. Pas fitores së Santos në Kupën Sudamericana, Neymar foli hapur për të ardhmen e tij dhe ishte i prerë në deklaratën e tij. “Etapa ime me kombëtaren ka përfunduar. Dhashë gjakun, jetën dhe gjithçka që kisha për këtë fanellë, por tani nuk e dua më. Është koha që të tjerët të vazhdojnë rrugën”, u shpreh ai.
Neymar largohet si golashënuesi më i mirë në historinë e Brazilit, me 80 gola dhe 58 asistime në 130 paraqitje. Gjatë karrierës së tij ndërkombëtare ai fitoi Kupën e Konfederatave në vitin 2013 dhe medaljen e artë olimpike në Rio 2016, por nuk arriti kurrë të realizonte ëndrrën e madhe për të ngritur Kupën e Botës. Lëndimet dhe eliminimet e dhimbshme në turnetë madhorë e shoqëruan gjatë gjithë rrugëtimit të tij me kombëtaren. /Elio Hajdari-Sport Ekspres/