Armando Broja humbi një tjetër mundësi të artë për të treguar veten si titullar. Sulmuesi shqiptar luajti nga minuta e parë në ndeshjen në transfertë kundër ëBA, ku Burnley humbi në shifrat 3-1. Sulmuesi shqiptar kishte vetëm një rast ideal ku pas një ulje topi fantastike, që tregoi klasin e tij, nuk konkretizoi dot në portë. Më pas shumë topa të humbur nga Broja në pasime që hera-herës bën që edhe trajneri i Burnley të ishte i frustruar.
Një paraqitje jo e mirë e Brojës dhe largimi i tij erdhi në minutën e 57. Shans i pashfrytëzuar, në një kohë që mbetet enigmatike situata e sulmuesit kryesor, Flemming. Ky i fundit nuk ka udhëtuar me ekipin dhe mediat angleze janë ndarë mes zërave se do të largohet nga Burnley pas interesimeve të shumta për të dhe të tjerë që mendojnë se bëhet fjalë vetëm për një dëmtim. Megjithatë ajo që ka rëndësi është se pas kësaj ndeshje të Brojës, konkurrenca e tij me Flemming është tërësisht e humbur, pa futur në llogari dhe sulmuesit e tjerë që janë në pankinë. /Sport Ekspres/
