Karlo Ançeloti është paraqitur përballë gazetarëve në konferencën për shtyp të mbajtur në prag të ndeshjes kundër Alavesit. Italiani do të drejtojë nesër Realin e Madridit për të 300-n herë. Një fakt të cilin ai e quan thuajse një mrekulli. Ançeloti është shprehur se ka një dashuri të veçantë për Milanin, por Reali për të është klubi më i mirë në botë.
“Kemi filluar të kemi një rrjedhshmëri të mirë loje. Por në çdo garë duhet të vuash, të liftosh, të garosh. Jemi më mirë dhe do të bëjmë më mirë në ndeshjet e ardhshme. 300 ndeshje si trajner i Realit të Madridit? Kam pasur fatin të drejtoj klube të mëdha, si Milani, për të cilin kam një dashuri të veçantë, sepse kam qenë lojtar. Por Real Madridi është klubi më i mirë në botë, nuk ka dyshim për këtë. Nesër do të arrij 300 herë në këtë stol… Nuk them se është mrekulli, por thuajse një mrekulli”, ka deklaruar Karlo Ançeloti./Halit Delibashi-Sport Ekspres/
