Lamin Jamali ka dhënë një intervistë për “Mundo Deportivo” – n. Sulmuesi spanjoll është shprehur se nuk i kushton rëndësi kritikave. Sipas tij, njerëzit gjithmonë do të jenë të ndarë në dy kategori: në ata që besojnë te ty dhe në ata që shpresojnë të gabosh në mënyrë që të të kritikojnë. Ai ka shtuar se kualifikimi ndaj Portugalisë u ka shtuar më tepër besimin, pasi i konsideronte luzitanët një nga tre skuadrat më të mira të Kupës së Botës.
“Mendoj se ka dy anë: nga njëra anë, njerëzit që të besojnë dhe nga ana tjetër, ata që shpresojnë që nuk do të dalësh mirë, në mënyrë që të të kritikojnë. Gjëja e rëndësishme është të qëndrojmë të qetë dhe të vazhdojmë në rrugën që kemi ndjekur: të fitojmë, të fitojmë dhe të fitojmë përsëri. Në fund të fundit, nuk ka rëndësi se çfarë thonë njerëzit. Unë e shoh kritikën si diçka pozitive. Kur luan mirë, të gjithë duhet të heshtin. Për mua, Portugalia ishte një nga tre ekipet më të mira në Kupën e Botës. Eliminimi i tyre na jep shumë besim përpara ndeshjes kundër Belgjikës”, ka thënë Lamin Jamali./Sport Ekspres/
