Deklarata e Vincenzo Montellës pas eliminimit të Turqisë pasqyron zhgënjimin e thellë të një trajneri që ndihet i tradhtuar nga shifrat dhe fati. Statistikat prej 62 gjuajtjesh në dy ndeshje janë prova e një dominimi taktik të qartë, por që në futboll, pa efikasitetin e golit, mbeten vetëm numra të ftohtë.
Montella, me 35 vite përvojë në nivelet më të larta, e di mirë se futbolli shpesh i ndëshkon ata që nuk shfrytëzojnë rastet. Analiza e tij nuk është thjesht një justifikim, por një reflektim mbi “lëndimin” që shkakton fati kur ndodh ajo që përsëritet “një herë në 50 herë”. Kur kundërshtari shënon nga gjysma e rastit të parë, ndërsa ekipi yt godet shtyllat apo has në mrekullitë e portierëve kundërshtarë, ndjesia e pafuqisë është totale.
Në fund, futbolli mbetet një lojë që nuk i detyrohet askujt. Edhe pse Turqia luajti bukur dhe krijoi shumë, ajo që mbetet në histori nuk është “sa mirë luajte”, por “sa shënove”. Montella ka të drejtë të jetë i irrituar; ai kërkoi shpjegime për një anomali statistikore, por futbolli shpesh nuk ka shpjegime logjike. Ishte një rastësi e pamëshirshme që e la kombëtaren turke jashtë, duke vërtetuar se, ndonjëherë, talenti dhe dominimi nuk mjaftojnë përballë kapriçove të fatit.
“Jam i befasuar që ngrihet tema e sulmuesve. Kemi gjuajtur 62 herë në 2 ndeshje. Por topi, thjesht nuk shkonte brenda. Nëse ndonjëri prej jush i jep shpjegim, jam gati ta dëgjoj. Ne krijojmë, por nuk shënojmë. Kundërshtari vjen dhe me një rast, gol. Kam 35 vite në futboll dhe cfarë ndodh njëherë në 50 raste, na ndodhi ne tani, fati nuk ishte me ne”, tha Montela. /Sport Ekspres/