Gallatasarai ka dalë fitimtar në derbin e zjarrtë të Stambollit. Klubi turk ka mposhtur Fenerbahçen me rezultatin 1-2 në Kupën e Turqisë. Një ndeshje ku nuk munguan polemikat. Goli i Fenerbahçes ka ngritur dyshime në rrjet. Autori i golit gjendej përpara vijës së topit dhe për këtë arsye janë ngritur pikëpyetje për një pozicion jashtë loje.
Ndërkohë një tjetër moment i diskutueshëm ishte edhe ai kur njëri prej futbollistëve të Gallatasarait, në përpjekje për të larguar topin nga zona në goditje nga këndi, e prek sferën me dorë. Megjithatë arbitri vendosi të mos akordonte 11 metërsh.
Ndërkaq nuk kanë munguar as tensionet. Barish Alper Jëllmazi nuk i ka kontrolluar dot nervat pak minuta para fundit të kohës së rregullt. Lojtari i Gallatasarait i është vënë pas Mert Hakanit, duke e fyer dhe duke kërkuar përplasjen fizike. Menjëherë kanë ndërhyrë anëtarët e tjerë të stolit të të dyja skuadrave si dhe forcat e sigurisë për të kthyer sërish qetësinë në fushë./Sport Ekspres/
