Manchester City ka marrë një fitore të madhe në transfertë, duke mposhtur Liverpoolin me rezultatin e pastër 0-3 në “Anfield”, në një përballje të rëndësishme të Premier League. Skuadra nga Manchesteri tregoi forcën e saj në pjesën e dytë, duke shfrytëzuar momentet vendimtare dhe duke i dhënë një goditje të rëndë vendasve.
Pjesa e parë u mbyll pa gola, me Liverpoolin që tentoi të krijonte rrezik, ndërsa City kërkonte hapësirat për të goditur. Megjithatë, ndeshja ndryshoi pas daljes me karton të kuq të Ryan Gravenberch në minutën e 62-të, pasi mesfushori i Liverpoolit mori kartonin e dytë të verdhë.
Vetëm pak minuta më vonë, në minutën e 65-të, Erling Haaland zhbllokoi rezultatin, duke i dhënë avantazhin Manchester Cityt. Në minutën e 68-të, Jeremy Doku dyfishoi shifrat me një goditje të bukur, duke e vënë Liverpoolin në një situatë tepër të vështirë.
Golin e tretë e realizoi Rayan Cherki në minutën e 78-të, duke vulosur triumfin e miqve.
Kështu, Manchester City largohet nga Anfield me tri pikë të rëndësishme, ndërsa Liverpooli duhet të analizojë një humbje të dhimbshme, ku kartoni i kuq rezultoi vendimtar për fatin e takimit. /Sport Ekspres/
?| Cherki that is DIRTY. ? https://t.co/9XcgZDlOJC
— Kalshi FC (@KalshiFC) October 11, 2026
