Atalanta është duke u ndeshur me Napolin në javën e 13 të Serisë A. Gjatë pjesës së parë kanë lindur polemika të mëdha për shkak të vendimit të marrë nga VAR-i. Amir Rrahmani tundi rrjetën me një goditje mjaft të bukur me kokë, duke e ndalur topin në trekëndësh. Mbrojtësi shqiptar shkoi menjëherë të festonte, por jo për shumë kohë. Ishtë ndërhyrja nga sistemi VAR, ajo që e shuajti shpejt festën e tij.
Teknologjia e ka konsideruar golin e tij të pavlefshëm për shkak se gjendej në pozicion jashtë loje. Vetëm milimetrat e kanë nxjerrë Rrahmanin përpara lojtarit kundërshtar, çka është krejtësisht e padallueshme në pamjet që janë treguar nga sistemi VAR. Aq sa ka krijuar shumë polemika nëse Rrahmani ishte vërtetë në pozicion jashtë loje apo jo./Halit Deliashi-Sport Ekspres/
