Myrto Uzuni ka nisur një aventurë të re në MLS pas largimit nga Granada. Sulmuesi shqiptar po kërkon pak kohë për ambientimin sa i përket golave të shënuara pasi deri tani në 8 ndeshje me Austin ka realizuar vetëm njëherë.
Megjithatë duhet të theksojmë se në ndeshjet e fundit trajneri ka vendosur që Uzuni të luajë në krahun e majtë, pak më larg portës dhe jo si sulmues kryesor. Në ndeshjen e fundit, Austin luajti ndaj Houston në transfertë, atje ku humbi në shifrat 2-0.
Një ndeshje jo e mirë e shqiptarit që u vlerësua me notë të dobët, por në minutën e 40, Uzuni kishte një rast të artë. Shqiptari ka bërë një ulje topi fantastik duke shfaqur të gjitha aftësitë e tij ashtu si edhe në sulmimin e hapësirës, por i vetëm para portierit gabojë duke humbur shansin e artë. /Elio Hajdari-Sport Ekspres/
