Rezart Dabulla dhe Ervin Bulku ishin pjesë e panelit të “Rubrika Sportive” në “RTSH”, ku tema e diskutimit ishte Kombëtarja shqiptare. Pas rezultatit zhgënjyes në Riga, fitorja kundër Letonisë në ndeshjen e kthimit në muajin shqiptar është një detyrim për kuqezinjtë.
Dabulla ka deklaruar se në rast se do të mungojnë 3 pikët ndaj Letonisë në Tiranë, atëherë Silvinjo duhet të largohet nga drejtimi i Kombëtares. I të njëtit mendim ishte edhe Ervin Bulku. Ndihmësi i Silvinjos ka pohuar se në një rast të tillë, i gjithë stafi duhet të largohet nga kuqezinjtë.
Dabulla: “Nëse nuk fitojmë me Letoninë këtu, Silvinjo duhet t’i marrë vetë çantat dhe të iki. Ervini (Bulku) duhet të rrijë, sepse është i joni, por Silvinjo duhet të marrë çantën dhe të iki, se për çfarë na duhet më?”.
Bulku: “Jam dakort. Nëse nuk fitojmë me Letoninë? Duhet të ikim të gjithë bashkë”./Sport Ekspres/
