Bullgaria po prek fundin në futboll. Skuadra ballkanase ka një ecuri të gjatë rezultatesh negative dhe e ardhmja duket e zymtë. Tifozët e Bullgarisë kanë shpërthyer në protesta kundër kreut të Federatës së tyre të futbollit. Në rrugët e Sofies, jashtë stadiumit kombëtar, në të cilin po luhej ndeshja kundër Hungarisë, tifozët janë përplasur me forcat e policisë.
Bullgarët i kanë vënë zjarrin kryeqytetit, duke zgjedhur këtë mënyrë për të sjellë ndryshimin në futbolin e tyre. Në krye të Federatës është Borislav Mihaylov-i, i cili në të shkuarën ka qenë një ish-portier, që ka mbrojtur portën në gjysmëfinale të Botërorit të vitit 1994./Halit Delibashi-Sport Ekspres/
