Java e parë e 2025 ka nisur në Superiore me fund emocionues. Egnatia ka arritur të marrë fitoren, rezultatin që e dëshironte me çdo kusht kundër Laçit, 1-0. Ky takim nuk ishte aspak i lehtë për ta ndaj kurbinasve, teksa për pjesën më të madhe të kohës ndeshja ishte në barazimin pa gola. Në minutën e fundit, Fernando bëri gjithçka mirë në krahë dhe pasoi bukur te Bakayoko, që me portën e boshatisur nuk mund të gabonte. Ky gol ishte me shumë peshë për Egnatian që konsolidon sadopak veten në katër vendet e para dhe njëkohësisht shkurton diferencën me Dinamon e vendit të parë, në vetëm 1 pikë.
Nga ana tjetër Bylisi ka ndezur sërish luftën për vendin e parë. Ballshiotët kanë bërë surprizën e madhe duke mundur Dinamon kryesuese në shifrat 2-1. Marku do të gjente golin në minutën e 19, për ta mbyllur pjesën e parë në avantazh për Bylisin. Ndërkohë i përhershmi Zabërgja gjeti barazimin në minutën e 49. E ndërkohë, po në fundin e takimit, Berko realizoi një gol të bukur nga larg që e shtangu tërësisht portierin e Dinamos. /Elio Hajdari-Sport Ekspres/