Spanja është kampione e Europës për të 4-tën herë në histori. Më shumë se çdo Kombëtare tjetër në këtë turne. Rodri ka folur për mediat pas këtij triumfi, ku është shprehur se ka përjetuar ditën më të mirë në karrierën e tij.
“Çfarë dite, sigurisht dita më e mirë e karrierës sime sportive. Ne kemi qenë një familje, tani jemi ekipi më i suksesshëm në Europian. U fol për gjeneratat e mëparshme që shënuan rrugën për ne dhe tani jemi kampionë të Europës, një ditë e pabesueshme për të gjithë.
Kemi bërë histori, kemi mposhtur katër kampionë bote. Mentaliteti i kësaj skuadre… shumë prej nesh kemi qenë kampionë të Europës me ekipet e të rinjve dhe sot jemi kampionë të Europës dhe çfarë na ka mbetur. Ka ardhur koha që një spanjoll të fitojë Topin e Artë”, ka deklaruar Rodri./Halit Delibashi-Sport Ekspres/
