Nëse Milani është në shkatërrim dhe ndërron trajner brenda pak kohësh, te Interi vazhdojnë rindërtimin, të korrin suksese dhe të jenë më të qetë se “armiqtë e përjetshëm”. Inzaghi do të luajë sezonin kundër Bayernit të mërkurën, teksa në ndeshjen e parë arriti të fitonte 1-2.
Nga ana tjetër Interi kryeson Serinë A dhe njëkohësisht nuk ka dalë as nga gara e Kupës së Italisë. Duke parë gjithë këto rezultate mbreslënëse, drejtuesit e zikaltërve kanë nxituar që askush të mos e “vjedhë” arkitektin e tyre.
Kontrata aktuale e Inzaghit skadon më 30 qershor 2026, ndërsa drejtuesit e klubit kanë vendosur që t’i rinovojnë një të re. Gjithashtu do të ketë edhe shtim page, teksa aktualisht Inzaghi përfiton 6.5 milionë euro dhe tani do të marrë 7 milionë euro. /Elio Hajdari-Sport Ekspres/