Futbolli anglez mbetet gjithmonë spektakolar, pavarësisht nivelit të kampionatit apo rëndësisë së ndeshjes. Këtë herë po luhet përballja e FA Cup mes Leicester dhe QPR, që në pamje të parë duket një ndeshje mëse normale.
Megjithatë ky takim ka dhuruar një pamje spektakolare, nëse mund ta quajmë të tillë. Stadiumi është pushtuar nga mjegulla, por ndeshja ka vazhduar normalisht. Rezultati është 4-2 në favor të Leicester dhe jemi ende në minutën e 60. Por ajo që e bën këtë takim më interesant është fakti se shumë tifozë nuk kanë arritur dot të shohin golat për shkak të mjegullës së madhe, madje edhe tabela elektronike është e pamundur të shihet nga disa pjesë të stadiumit. /Sport Ekspres/
